News > Fact Sheets
တၢ်သံကွၢ်တဖၣ်လၢ ဘၣ်တၢ်သံကွၢ်အီၤ ခဲအံၤခဲအံၤ-ပှၤနီၣ်သိလ့ၣ် အလဲးစ့ၣ် လၢပှၤကိးဂၤဒဲးအဂီၢ်
Posted on Jun 27 2023
ဖဲ လါမၢ်ရှး 28 သီ, 2023 နံၣ်. တၢ်ဂ့ၢ်အမ့ၢ်အတီ ကဘျံးပၤအံၤ မ့ၢ်တၢ်မၤဂ့ၤထီၣ် တမံၤလၢ တၢ်မၤအီၤဒံးအဖၢမုၢ်ဒီး ကဘၣ်တၢ်မၤသီထီၣ်အီၤ ဒ်အလိၣ်ဝဲအသိးန့ၣ်လီၤ.
တၢ်အံၤတမ့ၢ်ဝဲ တၢ်ဟ့ၣ်ကူၣ်ဟ့ၣ်ဖး ဘၣ်ဃး သဲစးတၢ်သိၣ်တၢ်သီဘၣ်.
ဖဲလါမၢ်ရှး 7 သီ, 2023 နံၣ်, ကီၢ်ရ့ၣ်ခိၣ် Tim Walz ဆဲးစုပနီၣ် လၢ ပှၤနီၣ်သိလ့ၣ် အလဲးစ့ၣ် လၢပှၤကိးဂၤဒဲးအဂီၢ် ဆူသဲစးတၢ်သိၣ်တၢ်သီအပူၤန့ၣ်လီၤ. သဲစးတၢ်သိၣ်တၢ်သီအံၤ ကစးထီၣ်တုၤလီၤဝဲဒၣ်ဖဲ လါအီးကထိဘၢၣ် 1သီ, 2023နံၣ်လီၤ. တၢ်ဂ့ၢ်အမ့ၢ်အတီ ကဘျံးပၤအံၤ မ့ၢ်တၢ်ဂ့ၢ်ကျၢၢ်တံၢ်ဖုၣ်ကိၣ်လၢ သဲစးတၢ်သိၣ်တၢ်သီအသီ အဂီၢ်ဧိၤလီၤ.
စှၤလါမ့ၢ်ပူၤကွံာ်န့ၣ်, ကမျၢၢ် တၢ်ဘံၣ်တၢ်ဘၢ ဝဲၤကျိၤ (DPS), ILCM, ဒီးပပှၤမၤသကိးတၢ်တဖၣ် ကကတဲာ်ကတီၤ တၢ်အိၣ်ယၢၤအဂၤတဖၣ်လၢ ကမၤစၢၤနၤ လၢတၢ်ကတဲာ်ကတီၤသးလၢ နကပတံထီၣ် ပှၤနီၣ်သိလ့ၣ် အလဲးစ့ၣ်အဂီၢ်န့ၣ်လီၤ. လၢတၢ်အိၣ်ယၢၤ လၢခံကတၢၢ်တဖၣ်အဂီၢ်, ဝံသးစူၤ ကွၢ်ဖဲ www.ilcm.org တက့ၢ်.
လၢကမၤ တၢ်ဂ့ၢ်အမ့ၢ်အတီ ကဘျံးပၤအံၤ ဒ်သိးပှၤဖးအီၤ ကညီကဘှါအါထီၣ်အဂီၢ်, ပကိးယၢၤဝဲ “ပှၤနီၣ်သိလ့ၣ် အလဲးစ့ၣ်” ဒီတကတီၢ်ညါ, ဘၣ်ဆၣ်သနာ်က့ ထံကီၢ် တၢ်အုၣ်သး ခးက့တဖၣ်စ့ၢ်ကီး တၢ်စူးကါအီၤသ့လၢ သဲစးတၢ်သိၣ်တၢ်သီအံၤ အဖီလာ်န့ၣ်လီၤ.
1. လၢသဲစးတၢ်သိၣ်တၢ်သီ အသီအံၤအဖီလာ် မတၤတဖၣ် ဒိးန့ၢ်ဝဲ ပှၤနီၣ်သိလ့ၣ် အလဲးစ့ၣ် သ့လဲၣ်
စးထီၣ်လၢ လါအီးကထိဘၢၣ် 1သီ, Minnesota ကီၢ်စဲၣ်ဖိတဖၣ် ခဲလၢာ် ဒိးန့ၢ်ဝဲဒၣ် ပှၤနီၣ်သိလ့ၣ် အလဲးစ့ၣ်သ့ဝဲ လၢတကွၢ်ဘၣ် တၢ်နုာ်လီၤအိၣ်ဆိးလၢ ထံကီၢ်ပူၤ အတၢ်အိၣ်သး ဘၣ်န့ၣ်ဘၣ်လီၤ. ဒ်သိးနကမၤန့ၢ် ပှၤနီၣ်သိလ့ၣ် အလဲးစ့ၣ်အဂီၢ်, ပှၤပတံထီၣ်တၢ်ဖိ လၢအသးအိၣ် 21နံၣ် မ့တမ့ၢ် ဆူအဖီခိၣ် ကဘၣ်နဲၣ်ဖျါထီၣ် အဝဲသ့ၣ် အတၢ်အုၣ်သး, ကဘၣ်ဖျိထီၣ် တၢ်မၤကွၢ် မဲာ်ချံတၢ်ထံၣ်, ဒီးဖျိထီၣ် တၢ်မၤကွၢ် တၢ်နီၣ်သိလ့ၣ် လၢလံာ်ကွဲးဒီး တၢ်နီၣ်လိန့ၣ်လီၤ. တၢ်လိၣ်တဖၣ်လၢ ပှၤပတံထီၣ်တၢ်ဖိတဖၣ် လၢအသးအိၣ် 16 နံၣ်ဒီး 21နံၣ် အဘၢၣ်စၢၤတဖၣ်အဂီၢ်န့ၣ် တၢ်လီၤဆီအိၣ်ဝဲလီၤ.
2. လၢ ပှၤနီၣ်သိလ့ၣ် အလဲးစ့ၣ် လၢပှၤကိးဂၤဒဲးအဂီၢ် သဲစးတၢ်သိၣ်တၢ်သီ အဖီလာ် တၢ်ဒိးန့ၢ် ပှၤနီၣ်သိလ့ၣ် အလဲးစ့ၣ် မနုၤတကလုာ်သ့လဲၣ်
စးထီၣ်လၢ လါအီးကထိဘၢၣ် 1သီ, Minnesota ကီၢ်စဲၣ်ဖိတဖၣ် ခဲလၢာ် ဒိးန့ၢ်ဝဲဒၣ် ပတီၢ်မုၢ် အပတီၢ် D ပှၤနီၣ်သိလ့ၣ် အလဲးစ့ၣ် လၢတကွၢ်ဘၣ် တၢ်နုာ်လီၤအိၣ်ဆိးလၢ ထံကီၢ်ပူၤ အတၢ်အိၣ်သး (ID တၢ်ဂီၤ အိၣ်လၢတၢ်ဖီခိၣ်)ဘၣ်န့ၣ်ဘၣ်လီၤ. လၢလဲးစ့ၣ် တၢ်ဒုးနဲၣ် ထံဖိကီၢ်ဖိ မ့တမ့ၢ် တၢ်နုာ်လီၤအိၣ်ဆိးလၢ ထံဖိကီၢ်ဖိတၢ်အိၣ်သး အလိၤန့ၣ် တၢ်ပနီၣ် တအိၣ် ဝဲဘၣ်လီၤ.
လၢ Minnesota ကီၣ်စဲၣ်အပူၤ လဲးစ့ၣ်အိၣ်တ့ၢ်ဒံး ခံမံၤလၢ တၢ်ဒိးန့ၢ်အီၤသ့လီၤ- တၢ်မၤဒိၣ်ထီၣ်ဂ့ၤထီၣ် ဒီး တၢ်အုၣ်သး နီၣ်ကီၢ်(Real ID) ပှၤနီၣ်သိလ့ၣ် အလဲးစ့ၣ်တဖၣ်န့ၣ်လီၤ. ဒ်သိးကဒိးန့ၢ် တၢ်မၤဒိၣ်ထီၣ်ဂ့ၤထီၣ် မ့တမ့ၢ် တၢ်အုၣ်သး နီၣ်ကီၢ်(Real ID) ပှၤနီၣ်သိလ့ၣ် အလဲးစ့ၣ်အဂီၢ်, ပှၤပတံထီၣ်တၢ်တဂၤ ကဘၣ် ဒုးနဲၣ်ဝဲဒၣ် တၢ်ကဲထံဖိကီၢ်ဖိ မ့တမ့ၢ် တၢ်နုာ်လီၤအိၣ်ဆိးလၢ ထံပူၤကီၢ်ပူၤ လၢအတုၤထီၣ်ထီၣ်ဘး တၢ်အိၣ်သး အတီၤပတီၢ် န့ၣ်လီၤ.
3. ယမ့ၢ်လိၣ်ဘၣ် ID သနာ်က့ ယမ့ၢ်တအဲၣ်ဒိး နီၣ်သိလ့ၣ်န့ၣ် ကမၤအသးဒ်လဲၣ်
ပှၤတဂၤလၢ သးအနံၣ်အလါ ခဲလၢာ်န့ၣ် ပတံထီၣ်တၢ်လၢ Minnesota တၢ်အုၣ်သး ခးက့တဖၣ်(ID တၢ်ဂီၤ အိၣ်လၢတၢ်ဖီခိၣ်)သ့န့ၣ်လီၤ.
လါအီးကထိဘၢၣ် 1သီ အလီၢ်ခံ, ပှၤကိးဂၤဒဲးလၢ သးအနံၣ်အလါခဲလၢာ် ပတံထီၣ်ဝဲဒၣ် Minnesota တၢ်အုၣ်သး ခးက့ လၢတကွၢ်ဘၣ် တၢ်နုာ်လီၤအိၣ်ဆိးလၢ ထံကီၢ်ပူၤ အတၢ်အိၣ်သး သ့န့ၣ်လီၤ. ပှၤပတံထီၣ်တၢ်န့ၣ် ကဘၣ်ပတံထီၣ်လၢ ခးက့အဂီၢ်ဒီး ကဘၣ်ဟ့ၣ် တၢ်အဘူးအလဲလၢ အလိၣ်ဒီး ကဘၣ်နဲၣ်ဖျါထီၣ် တၢ်အုၣ်သး ဘၣ်ဃးဒီး အတၢ်မ့ၢ်တၢ်(တၢ်အုၣ်သး လံာ်တီလံာ်မီတဖၣ် လၢအမ့ၢ်တကလုာ်ဃီဒီး တၢ်ဟ့ၣ်တၢ်ပျဲလၢ ပှၤနီၣ်သိလ့ၣ် အလဲးစ့ၣ်အဂီၢ်)န့ၣ်လီၤ. စးထီၣ်လၢ လါအီးကထိဘၢၣ် 1သီ, Minnesota ကီၢ်စဲၣ်ဖိတဖၣ် ခဲလၢာ် ကအိၣ်ဒီး တၢ်ဒိးန့ၢ်ခွဲးယာ်လၢ Minnesota တၢ်အုၣ်သး ခးက့တဖၣ် လၢတကွၢ်ဘၣ် တၢ်နုာ်လီၤအိၣ်ဆိးလၢ ထံကီၢ်ပူၤ အတၢ်အိၣ်သး ဘၣ်န့ၣ်ဘၣ်လီၤ. လၢလဲးစ့ၣ် တၢ်ဒုးနဲၣ် ထံဖိကီၢ်ဖိ မ့တမ့ၢ် တၢ်နုာ်လီၤအိၣ်ဆိးလၢ ထံပူၤကီၢ်ပူၤတၢ်အိၣ်သး အလိၤန့ၣ် တၢ်ပနီၣ် တအိၣ် ဝဲဘၣ်လီၤ.
4. လၢကဒုးနဲၣ် တၢ်ပာ်ဖျါထီၣ်တၢ်မ့ၢ်တၢ်အဂီၢ် လံာ်တီလံာ်မီ အကလုာ်မနုၤတဖၣ် တၢ်စူးကါအီၤသ့လဲၣ်
ပှၤပတံထီၣ်တၢ်ဖိတဖၣ်လၢ ပတီၢ်မုၢ် အပတီၢ် D ပှၤနီၣ်သိလ့ၣ် အလဲးစ့ၣ်အဂီၢ်န့ၣ် စူးကါဝဲ တၢ်ပာ်ဖျါထီၣ်တၢ်မ့ၢ်တၢ်အဂီၢ် လံာ်တီလံာ်မီတဖၣ် ဘၣ်တၢ်ကွဲးလီၤအီၤဖဲအံၤ လၢကဒုးနဲၣ် တၢ်ပာ်ဖျါထီၣ်တၢ်မ့ၢ်တၢ်အဂီၢ်န့ၣ်လီၤ. စးထီၣ်လၢ လါအီးကထိဘၢၣ် 1သီ, ပှၤပတံထီၣ်တၢ်ဖိတဖၣ် စူးကါဝဲကသ့စ့ၢ်ကီး ထံဂုၤကီၢ်ဂၤ ဒီး တၢ်နုာ်လီၤအိၣ်ဆိးလၢ ထံပူၤကီၢ်ပူၤ လံာ်တီလံာ်မီ အကလုာ်ကလုာ် ဒ်သိးကပာ်ဖျါထီၣ် အတၢ်မ့ၢ်တၢ်အဂီၢ်န့ၣ်လီၤ. လံာ်တီလံာ်မီတဖၣ်အံၤ ပၣ်ဃုာ်ဒီး တၢ်တဖၣ်လၢလာ်အံၤ, ဒီး ကမျၢၢ် တၢ်ဘံၣ်တၢ်ဘၢ ဝဲၤကျိၤ (DPS)ကစဲကျံးထုးထီၣ် စရီဖးထီတဘ့ၣ် ဘၣ်ဃးဒီး လံာ်တီလံာ်မီတဖၣ်လၢ တၢ်တူၢ်လိာ်အီၤသ့ အဂ့ၢ် ဖဲလါအီးကထိဘၢၣ် 1သီ ဘူးဘူးတံၢ်တံၢ်န့ၣ်လီၤ-
- ထံဂုၤကီၢ်ဂၤ လံာ်ခီကီၢ်
- ထံဂုၤကီၢ်ဂၤ တၢ်အိၣ်ဖျဲၣ် လံာ်အုၣ်သး
- ထံဂုၤကီၢ်ဂၤ တၢ်လုၢ်ဖိဖိသၣ် လံာ်အုၣ်သး
- တၢ်နုာ်လီၤအိၣ်ဆိးလၢထံပူၤကီၢ်ပူၤ တၢ်ကွဲးနီၣ်ဖိးသဲစး လီၢ်တံၢ်ဒီး တၢ်ဟ့ၣ်တၢ်ပျဲ လံာ်ဘိးဘၣ်သ့ၣ်ညါတဖၣ်
5. လၢတၢ်ပတံထီၣ်အံၤအဂီၢ် ယအိၣ်ဒီး တၢ်ကီတၢ်ခဲလၢ ကမၤန့ၢ် တၢ်ပာ်ဖျါထီၣ်တၢ်မ့ၢ်တၢ် အလံာ်တီလံာ်မီတဖၣ်လၢ အလိၣ်ဝဲတဖၣ်န့ၣ်လီၤ. ယကဘၣ်မၤဒ်လဲၣ်
တုၤ လါအီးကထိဘၢၣ် 1သီ, 2023နံၣ်န့ၣ် သဲစးတၢ်သိၣ်တၢ်သီအံၤ တတုၤလီၤဝဲဒံးဘၣ်, လၢတၢ်န့ၢ်အဃိ တၢ်အံၤကဟ့ၣ်နၤ တၢ်ဆၢကတီၢ်လၢ နကထၢဖှိၣ်က့ၤ လံာ်တီလံာ်မီတဖၣ်လၢ တၢ်လိၣ်ဘၣ်အီၤ အဂီၢ်န့ၣ်လီၤ. နဒိးန့ၢ်အီၤ မ့ၢ်တသ့ဘၣ်အဃိ, ကျဲအိၣ်ဒံးလၢ နကပတံထီၣ် ပှၤနီၣ်သိလ့ၣ် အလဲးစ့ၣ် အဂီၢ်(ခီဖျိ တၢ်ဂ့ၢ်တမံၤလၢ ပှၤကိးအီၤလၢ “ခွဲးယာ်လီၤဆီ တၢ်မၤအကျိၤအကျဲ(variance process)”)န့ၣ်လီၤ. လၢတၢ်မၤအကျိၤအကျဲတနီၤအံၤ အဂ့ၢ်လီၤတံၢ်တဖၣ်အဂီၢ် DPS မၤဒံးတၢ်အဖၢမုၢ်ဒီး ကမၤဝဲဒၣ်ဒ်သိး တၢ်ကဒိးန့ၢ်အါထီၣ် တၢ်ဂ့ၢ်တၢ်ကျိၤဆူညါတဖၣ် ဖဲလါအီးကထိဘၢၣ် 1သီ ဘူးဘူးတံၢ်တံၢ်န့ၣ်လီၤ.
6. လၢကဒိးန့ၢ် ပတီၢ်မုၢ် အပတီၢ် D ပှၤနီၣ်သိလ့ၣ် အလဲးစ့ၣ်အဂီၢ် လိၣ်လၢ ယကဟ့ၣ်ထီၣ် တၢ်အုၣ်သး ဘၣ်ဃးဒီး တၢ်ကဲထံဖိကီၢ်ဖိ မ့တမ့ၢ် တၢ်နုာ်လီၤအိၣ်ဆိးလၢ ထံပူၤကီၢ်ပူၤ တၢ်အိၣ်သးဧါ
စးထီၣ်လၢ လါအီးကထိဘၢၣ် 1သီ, ပှၤပတံထီၣ်တၢ်တဖၣ်လၢ ပတီၢ်မုၢ် အပတီၢ် D ပှၤနီၣ်သိလ့ၣ် အလဲးစ့ၣ် အဂီၢ် တလိၣ်လၢ ကဟ့ၣ်ထီၣ် တၢ်အုၣ်သး ဘၣ်ဃးဒီး တၢ်ကဲထံဖိကီၢ်ဖိ မ့တမ့ၢ် တၢ်နုာ်လီၤအိၣ်ဆိးလၢ ထံပူၤကီၢ်ပူၤ တၢ်အိၣ်သး လၢကဒိးန့ၢ် ပှၤနီၣ်သိလ့ၣ် တခါအဂီၢ်ဘၣ်. နီၢ်နီၢ်တခီန့ၣ်, DPS အံၤတအိၣ်ဒီး တၢ်ပျဲခွဲးယာ်လၢ ကဃ့ပှၤပတံထီၣ်တၢ်ဖိတဖၣ်လၢ အဝဲသ့ၣ် တၢ်ကဲထံဖိကီၢ်ဖိ မ့တမ့ၢ် တၢ်နုာ်လီၤအိၣ်ဆိးလၢ ထံပူၤကီၢ်ပူၤ တၢ်အိၣ်သးလၢ ပတီၢ်မုၢ် အပတီၢ် D ပှၤနီၣ်သိလ့ၣ် အလဲးစ့ၣ်အဂီၢ်ဘၣ်လီၤ.
7. ယမ့ၢ်ပှၤလၢ အနုာ်လီၤကီၢ် တဖိးသဲစး(အဒိ, ယနုာ်လီၤဆူ ကီၢ်အမဲရကၤအပူၤ လၢတအိၣ်ဒီး ဘံၣ်စၣ်, ယနုာ်လီၤ ကီၢ်အမဲရကၤအပူၤ လၢဘံၣ်စၣ်ဒီး ဘံၣ်စၣ်အဆၢကတီၢ်လၢာ်ကွံာ်ဘၣ်ဆၣ် ယအိၣ်ဒံးအဖၢ, ဒီးအဂၤ)လီၤ. မ့ၢ်ယဒိးန့ၢ်ယဲ Minnesota ပှၤနီၣ်သိလ့ၣ် အလဲးစ့ၣ် သ့ဧါ
သ့လီၤ. စးထီၣ်လၢ လါအီးကထိဘၢၣ်1သီ, တၢ်အုၣ်သး ဘၣ်ဃးဒီး တၢ်နုာ်လီၤ အိၣ်ဆိးလၢ ထံပူၤကီၢ်ပူၤ တၢ်အိၣ်သးန့ၣ် တၢ်တလိၣ်ဘၣ်အီၤလၢၤ ဒ်တၢ်အကူာ်အက့တမံၤလၢ တၢ်ပတံထီၣ် Minnesota ပှၤနီၣ်သိလ့ၣ် အလဲးစ့ၣ်အဂီၢ်လၢၤဘၣ်လီၤ. ကလိၣ်လၢ နကဟ့ၣ်ထီၣ် တၢ်ပာ်ဖျါထီၣ်နတၢ်မ့ၢ်တၢ် လံာ်တီလံာ်မီတဖၣ် လၢတၢ်လိၣ်ဘၣ်အီၤ(ကွၢ်လၢ တၢ်သံကွၢ် နီၣ်ဂံၢ်#4), ဘၣ်ဆၣ် တလိၣ်လၢ နကအိၣ်ဒီး မ့တမ့ၢ် ဒုးနဲၣ် တၢ်နုာ်လီၤအိၣ်ဆိးလၢ ထံပူၤကီၢ်ပူၤ တၢ်အိၣ်သး လၢအဖိးသဲစး လၢ နကအိၣ်ဒီး တၢ်ဒိးန့ၢ်ခွဲးယာ်လၢ Minnesota ပှၤနီၣ်သိလ့ၣ် အလဲးစ့ၣ် အဂီၢ်ဘၣ်လီၤ.
8. ပှၤနီၣ်သိလ့ၣ် အလဲးစ့ၣ်အံၤ ဟ့ၣ်တၢ်အခွဲးလၢ ပှၤနုာ်လီၤကီၢ်လၢတဖိးသဲစးတဖၣ်အဂီၢ် တၢ်နုာ်လီၤအိၣ်ဆိးလၢ ထံပူၤကီၢ်ပူၤတၢ်အိၣ်သး မ့တမ့ၢ် တၢ်န့ၢ်စိန့ၢ်ကမီၤလၢ တၢ်ဖံးတၢ်မၤ တမံၤမံၤအဂီၢ်ဧါ
တသ့ဘၣ်. တၢ်နုာ်လီၤအိၣ်ဆိးလၢ ထံပူၤကီၢ်ပူၤန့ၣ် မ့ၢ်ဝဲ ထံကီၢ်ပဒိၣ် သဲစးတၢ်သိၣ်တၢ်သီ အတၢ်ဂ့ၢ်တၢ်ပီၢ်လီၤ. ပှၤနီၣ်သိလ့ၣ် အလဲးစ့ၣ်အံၤ ဘၣ်တၢ်ထုးထီၣ်အီၤလၢ ကီၢ်စဲၣ် သဲစးတၢ်သိၣ်တၢ်သီအဖီလာ်အံၤန့ၣ် တဟ့ၣ်တၢ်အခွဲးလၢ တၢ်နုာ်လီၤအိၣ်ဆိးလၢ ထံပူၤကီၢ်ပူၤ တၢ်အိၣ်သး မ့တမ့ၢ် တၢ်န့ၢ်စိန့ၢ်ကမီၤလၢ တၢ်ဖံးတၢ်မၤအဂီၢ်ဘၣ်လီၤ.
9. ပှၤနီၣ်သိလ့ၣ် အလဲးစ့ၣ်လၢ ပှၤခဲလၢာ်အဂီၢ် သဲစးတၢ်သိၣ်တၢ်သီအံၤအပူၤ တၢ်ဒီသဒၢ နီၢ်ကစၢ် အဂ့ၢ်အကျိၤစံးတၢ်န့ၣ် မ့ၢ်မနုၤလဲၣ်
စးထီၣ်လၢ လါအီးကထိဘၢၣ်1သီ, တၢ်တြီဃာ်ဃံးဃံး ကအိၣ်ဝဲဒၣ်လၢ DPS အတၢ်သ့န့ၢ်အိၣ်န့ၢ် လၢကနီၤဟ့ၣ် တၢ်ဂ့ၢ်တၢ်ကျိၤလၢ ခၢၣ်စးကရၢအချၢ ဘၣ်ဃးဒီး ပှၤတဂၤလၢ အဖီၣ် ပတီၢ်မုၢ် အပတီၢ် D ပှၤနီၣ်သိလ့ၣ် အလဲးစ့ၣ်အဂ့ၢ်ဘၣ်လီၤ.
တၢ, DPS အံၤ တၢ်တဟ့ၣ်အီၤ တၢ်ပျဲလၢ ကဟ့ၣ်ခီဟ့ၣ်နီၤ တၢ်ဂ့ၢ်တၢ်ကျိၤတမံၤလၢ်လၢ် လၢအဘၣ်ဃးဒီး ပှၤတဂၤ အတၢ်ကဲထံဖိကီၢ်ဖိ မ့တမ့ၢ် တၢ်နုာ်လီၤအိၣ်ဆိးလၢ ထံပူၤကီၢ်ပူၤ တၢ်အိၣ်သးန့ၣ်ဘၣ်လီၤ. တၢ်ပျဲပူၤဖျဲး အိၣ်ဝဲတမံၤလီၤ- DPS ဟ့ၣ်ခီဟ့ၣ်နီၤ တၢ်ဂ့ၢ်ထၢဖှိၣ်အံၤ ဃုာ်ဒီး Minnesota ကီၢ်စဲၣ် အနဲၣ်ရွဲၣ် (SOS)လၢ ကမၤဂ့ၤထီၣ် ပှၤဟ့ၣ်တၢ်ဖး တၢ်ဆဲးလီၤမံၤ တၢ်မၤနီၣ်မၤဃါတဖၣ်အဂီၢ်န့ၣ်လီၤ.
ခံ, DPS အံၤ တၢ်တဟ့ၣ်အီၤ တၢ်ပျဲလၢ ကဟ့ၣ်ခီဟ့ၣ်နီၤ တၢ်ဂ့ၢ်တၢ်ကျိၤတမံၤလၢ်လၢ် လၢအဘၣ်ဃးဒီး ပှၤတဂၤ လၢအပတံထီၣ် မ့တမ့ၢ် ဒိးန့ၢ် ပတီၢ်မုၢ် အပတီၢ် D ပှၤနီၣ်သိလ့ၣ် အလဲးစ့ၣ်ဃုာ်ဒီး ICEအဂ့ၢ် မ့တမ့ၢ်ဘၣ်လၢ DPS အံၤဘၣ်တၢ်မၤလိာ်အီၤလၢ ကွီၢ်ဘျီၣ် လၢကမၤဝဲဒ်န့ၣ်အသိးဘၣ်လီၤ.
သၢ, DPS မ့ၢ်ဟ့ၣ်ခီဟ့ၣ်နီၤ တၢ်ဂ့ၢ်တၢ်ကျိၤတမံၤလၢ်လၢ် လၢအဘၣ်ဃးဒီး ပှၤတဂၤ လၢအပတံထီၣ် မ့တမ့ၢ် ဒိးန့ၢ် ပတီၢ်မုၢ် အပတီၢ် D ပှၤနီၣ်သိလ့ၣ် အလဲးစ့ၣ် ဆူခၢၣ်စးကရၢအချၢအဃိ, ခၢၣ်စးကရၢလၢ အဒိးန့ၢ်တၢ်အံၤ ကဘၣ် ဆဲးလီၤစုပနီၣ် လံာ်အုၣ်သးတဘ့ၣ်လၢ အဝဲသ့ၣ် တဟ့ၣ်ခီဟ့ၣ်နီၤက့ၤ တၢ်ဂ့ၢ်တၢ်ကျိၤဃုာ်ဒီး ICE မ့တမ့ၢ် စူးကါတၢ်ဂ့ၢ်တၢ်ကျိၤအံၤ လၢကမၤဆူၣ် တၢ်နုာ်လီၤအိၣ်ဆိးလၢ ထံပူၤကီၢ်ပူၤ သဲစးတၢ်သိၣ်တၢ်သီဘၣ် န့ၣ်လီၤ.
10. ယမ့ၢ်ဒိးန့ၢ် ပှၤဂ့ၢ်ဝီ တၢ်ဘံၣ်တၢ်ဘၢ နီၣ်ဂံၢ် လၢ တၢ်ပညိၣ် တစိၢ်ဖိတဖၣ်အဂီၢ်သနာ်က့ တၢ်အံၤ တၢ်စူးကါအီၤ ယံာ်ယံာ်တသ့ဘၣ်လၢ တၢ်မၤအဂီၢ်ဘၣ်, တၢ်အံၤ မ့ၢ်နီၣ်ဂံၢ်တမံၤလၢ ယကြၢးကွဲးရဲၣ်လီၤအီၤလၢ တၢ်ပတံထီၣ်အပူၤလီၤန့ၣ် မ့ၢ်ဧါ
ပှၤဂ့ၢ်ဝီ တၢ်ဘံၣ်တၢ်ဘၢ နီၣ်ဂံၢ် (SSN)န့ၣ် တလိၣ်ဝဲဒၣ်လၢ တၢ်ကဒိးန့ၢ် ပတီၢ်မုၢ် အပတီၢ် D ပှၤနီၣ်သိလ့ၣ် အလဲးစ့ၣ်အဂီၢ်ဘၣ်. တၢ်ပတံထီၣ် ပှၤနီၣ်သိလ့ၣ် အလဲးစ့ၣ် ကဃ့ပှၤပတံထီၣ်တၢ်ဖိတဖၣ်လၢ ကကွဲးရဲၣ်လီၤ အပှၤဂ့ၢ်ဝီ တၢ်ဘံၣ်တၢ်ဘၢ နီၣ်ဂံၢ်န့ၣ်လီၤ. နတၢ်မ့ၢ်အိၣ်, နကဘၣ်ဟ့ၣ်ထီၣ်အီၤလီၤ. နမ့ၢ်တအိၣ်ဒီး တၢ်နုာ်လီၤအိၣ်ဆိးလၢ ထံပူၤကီၢ်ပူၤ တၢ်အိၣ်သးလၢ အဖိးသဲစးဘၣ်အဃိဒီး SSN အံၤ တမ့ၢ်လၢ တၢ်ဖံးတၢ်မၤ တၢ်ပညိၣ်တဖၣ်အဂီၢ်ဘၣ်န့ၣ် မ့ၢ်ဝဲတီဝဲလီၤ. နအိၣ်မ့ၢ်တအိၣ်အဃိ, နကဘၣ်ဆဲးလီၤစုဆဲးပနီၣ်လၢ တၢ်အုၣ်သး လၢနတၢ်တအိၣ်ဘၣ် အဂ့ၢ်န့ၣ်လီၤ.
11. ယတၢ်မ့ၢ်အိၣ်အဃိ မ့ၢ်ယကြၢး ကွဲးရဲၣ်လီၤ ITIN ဧါ
တဘၣ်ကွဲးလီၤ န ITIN နီၣ်ဂံၢ် လၢတၢ်လီၢ်လီၤဟိလၢ SSN အဂီၢ်တဂ့ၤ. တၢ်ပတံထီၣ် ပှၤနီၣ်သိလ့ၣ် အလဲးစ့ၣ်လၢ တၢ်မၤသီထီၣ်အီၤအံၤ ဘၣ်သ့ၣ်သ့ၣ် ကဃ့ထီၣ်ဝဲဒၣ် ITIN နီၣ်ဂံၢ်လီၤ. အဝဲမ့ၢ်ဃ့ ITIN နီၣ်ဂံၢ်အဃိ နကဘၣ် ဟ့ၣ်ထီၣ်အီၤလီၤ. DPS ကဟ့ၣ်အါထီၣ် ဘၣ်ဃးဒီး တၢ်ဂ့ၢ်အံၤ လၢခံအသီန့ၣ်လီၤ.
12. ယကဘၣ်ပတံထီၣ် လဲးစ့ၣ် ဖဲလဲၣ် အလီၢ်အိၣ်လၢ ယကမၤအီၤ လၢယနီၢ်ကစၢ်ဒၣ်ယဲဧါ
Minnesota တၢ်တိစၢၤမၤစၢၤလၢ ပှၤနီၣ်တၢ်ဒီး သိလ့ၣ်တဖၣ်အဂီၢ် (DVS) အိၣ်ဒီး တၢ်ဂ့ၢ်တၢ်ကျိၤ ဘၣ်ဃး ဝဲၤဒၢး အလီၢ်အကျဲတဖၣ်, တၢ်မၤကွၢ် အတၢ်ရဲၣ်တၢ်ကျဲၤတဖၣ်, ဒီး တၢ်ပတံထီၣ် ပှၤနီၣ်သိလ့ၣ် အလဲးစ့ၣ်အဂီၢ် တၢ်အဘူးအလဲတဖၣ်အဂ့ၢ်န့ၣ် တၢ်ဒိးန့ၢ်အီၤသ့ဖဲ Minnesota DVS website အပူၤလီၤ.
နမၤပှဲၤနဲ တၢ်ပတံထီၣ်တၢ် အတၢ်မၤအကျိၤအကျဲတဖၣ် လၢနီၢ်ကစၢ်သ့ ဖဲ DVS အလီၢ်အကျဲ မ့တမ့ၢ် ပှၤမၤသကိးတၢ်ဒီး DVS လၢအဖိးသဲစး အလီၢ်အကျဲတဖၣ်အပူၤလီၤ. နမၤပှဲၤစ့ၢ်ကီး တၢ်ပတံထီၣ်တၢ် အတၢ်မၤအကျိၤအကျဲ အကူာ်အက့တနီၤသ့ဝဲ, အဒိ တၢ်မၤကွၢ်လၢ လံာ်ကွဲး, ဖဲ ပှၤမၤသကိးတၢ်ဒီး DVS လၢအဖိးသဲစး အတၢ်ကရၢကရိန့ၣ်လီၤ. မၤလီၤတံၢ်လၢ နမၤပှဲၤနဲ တၢ်ပတံထီၣ်လၢ နဂီၢ်ဒၣ်နဲ ဒီးနဆှၢထီၣ်အီၤဖဲ DVS အလီၢ်အကျဲ မ့တမ့ၢ် ပှၤမၤသကိးတၢ်ဒီး DVS လၢအဖိးသဲစး အလီၢ်အကျဲတခါအပူၤန့ၣ်တက့ၢ်. တၢ်ပတံထီၣ်တဖၣ်န့ၣ် ကဘၣ်တၢ်ဆှၢထီၣ်အီၤ ခီဖျိ ပှၤတဂၤလၢ အပတံထီၣ်တၢ်လၢ လဲးစ့ၣ်အဂီၢ်ဒီး တချုး လါအီးကထိဘၢၣ်1သီဒံးဘၣ်န့ၣ် တၢ်ဆှၢထီၣ်အီၤတသ့ဘၣ်လီၤ.
13. ယမ့ၢ်ဒိးန့ၢ် ပှၤနီၣ်သိလ့ၣ် အလဲးစ့ၣ်လၢ ကီၢ်စဲၣ်အဂၤတခါ အပူၤအဃိ ကမၤအသးဒ်လဲၣ်
နမ့ၢ်အိၣ်ဒီး ပှၤနီၣ်သိလ့ၣ် အလဲးစ့ၣ်လၢ ကီၢ်စဲၣ်အဂၤတခါအပူၤအဃိ, စဲးကွၢ် Minnesota DVS websiteတက့ၢ်. တၢ်စံးဆၢ ဒိးသန့ၤထီၣ်သးလၢ နဒိးန့ၢ် လဲးစ့ၣ်ဖဲ တၢ်လီၢ်ဖဲလဲၣ်, ဒီး ဖဲနပတံထီၣ်လၢ Minnesota လဲးစ့ၣ်အဆၢကတီၢ် တၢ်စူးကါအီၤ သ့ဒံးအဖၢမုၢ်ဧါ အဖီခိၣ်န့ၣ်လီၤ. ဖဲနကွၢ်ထံက့ၤ အဝဲသ့ၣ် အပှာ်သန့ ဝံၤအလီၢ်ခံ နမ့ၢ်အိၣ်ဒီး တၢ်သံကွၢ်တဖၣ်အဃိ ဝံသးစူၤသံကွၢ် DVS လိၤလိၤဒီး/ မ့တမ့ၢ် သံကွၢ် တၢ်နုာ်လီၤအိၣ်ဆိးလၢ ထံပူၤကီၢ်ပူၤ အပီၢ်ရီ ဖဲနအိၣ်ဒီး တၢ်သံကွၢ်တဖၣ် လၢအဘၣ်ဃးဒီး လံာ်တီလံာ်မီတဖၣ်လၢ ကစူးကါတ့ၢ်အီၤ ဒ်သိးနကဒိးန့ၢ် လဲးစ့ၣ်ဖဲ ကီၢ်စဲၣ်အဂၤအအိၣ်န့ၣ်တက့ၢ်.
PDF – တၢ်သံကွၢ်တဖၣ်လၢ ဘၣ်တၢ်သံကွၢ်အီၤ ခဲအံၤခဲအံၤ-ပှၤနီၣ်သိလ့ၣ် အလဲးစ့ၣ် လၢပှၤကိးဂၤဒဲးအဂီၢ်
- Arabic / أسئلة كثيرا ما تُسْأَل (أسئلة شائعة): “رخصة قيادة للجميع” – العربية
- Frequently Asked Questions: Driver’s Licenses for All – English
- Les Questions Fréquemment Posées : Le Permis de conduire Pour Tous – français / French
- Kesyon yo poze souvan: Lisans chofè pou tout moun – kreyòl ayisyen/Haitian Creole
- Cov Lus nug tsis tu ncua: Daim ntawv tsav tsheb rau sawv daws – Hmoob/Hmong
- Preguntas más frecuentes: Licencias de Conducir para Todos – Español/Spanish
- Had iyo Jeer la is weeydiiyo: Shatiga darawalnimada oo Idil – Soomaali/Somali
- Maswali Yanayoulizwa Mara Kwa Mara: Leseni za Udereva kwa Wote – kiswahili/Swahili
- Поширені запитання: Водійські посвідчення для всіх – українська/Ukrainian